NARIT PHEU INTAT

No comment 47 views
banner 160x600
banner 468x60

Geuhimpon le: H.M. Thamrin Z Bandum pujoe muwoe bak Tuhan Nyang peujeuet alam, langet ngon donya Lheuh nyan silaweuet keu Jonjongan Muhammad Saidil Ambiya Haba ngon Panton jinoe lon himpon Katreb padum thon lon kue bak ija Sayang bek mala bungong lam keubon Jinoe lon suson mangat neubaca Wahe syedara rakan lam gampong Assalamu’alaikom jinoe lon sapa Nyoe pat na ranub dua lhee on He teungku ampon coba ci rasa Tabeue ranub, bakong bak masen Bak lon hai cut lem hana sepeuena Hina bak donya, hana peukayan Hina bak Tuhan amalan hana Hina bak wareh, meuh – pirak lon tan Hina bak rakan buet jaroe hana Keumarang Aceh leubeh get alon Syae ngon panton geuboh lam rika Wahe e rakan nyoe pat seuneu on Bungong jaroe lon keu tanda mata Hana peue lon bri keu bungong jaroe Ringget lam peutoe bak kamoe hana Lon keumeung bri meuh ngon pirak Cit lhe bak cut nyak keutep rupia Geunantoe lon bri kreh meudulang Badoi lon pulang krong meuriti Badai tampok pucok keurawang Badai keunarang intan pudi Geunantoe lon bri peudeueng meutampok Rincong meupucok keu ayeum mata Gantoe ceurana ranub meususon Gantoe pawon taloe meuputa Gantoe lon bri ranub lam puan Gantoe lon pulang subang meucintra Adak meungna lon mat nanggroe Lon bri jinoe saboh kuala Lon bri kuala jeuet tacok hase Lon bri beude ngon taprang kuta Oh noe sikada narit nibak lon Keu wareh kawom syedara lingka Meunyoe na salah sikrak dua krak Meu ‘ah hai cut Nyak hana lon saja Kadang teusinggong watee lon linggang Kadang mubayang watee lon gisa Meunyoe na haba nyang kureung reumbang Lakee bak rakan meu’ah beuraya

Email Autoresponder swadaya
No Response

Leave a reply "NARIT PHEU INTAT"