Uroe Kiamat

No comment 35 views
banner 160x600
banner 468x60

Beutapeh nyang goh teuka neu peuhaba
Miseue mawot nyang saket that tapeurasa
Nyang keuh uroe keusudahan haro-hara
Langet meuguncang bumoe meulinggang meu hubo-hubo

Suroh Tuhan Israfil yup sangkakala
Habeh mate bandum sare safan safa
Habeh mate bandum sare malenkan Tuhan
Langet ngon bumoe kon le meunoe ka neu simpan

Yub keudua sangkakala le Israfil
Meunyoe nyawong bandum u bak tuboh
Habeh timoh bandum tuboh ka teuduek duek
Pakaian tan badan teulon bak bineh uruek

Teuma geutimang dumna amai lam neuraca
Phui ngon geuhon leumah sinan bandum nyata

Lheuh nyan tajak ateuh titi Siratul Mustakim
Panyang titi saboh riwayat lhee ribee thon jak
Taek tajok ateuh puncak dengon tatron
Titi haloh na ban peudeueng
Sidumnan haloh sidom putoh adak meulinteueng

Nyang seulamat ateuh titi jeumeurang pi troh
Boh bineh Krueng indah sangat sinan piyoh
Nyang jak ateuh titi na ban babad
Karonya Allah ladum pantaih na ban kilat

(dari “Haba ngon Panton” nyang geuhimpon le H.M.Thamrin Z.Jakarta, 2007)

Email Autoresponder swadaya
No Response

Leave a reply "Uroe Kiamat"